الجمعة، 5 أكتوبر 2012

صباح جمعه

في فجر يوم الجمعه الموافق تسع طعشر أحدعش الف وربعميه وثلاث وثلاثين .. وبعد ما خلصت من أداء صلاة الفجر ذهبت مسرعاُ للسياره شغلتها ومشيت وتذكرت إني أمس ماتعشيت فظعطت على البنزين بقوه متناهيه لاتصدق .. إلا وانا صافقن في عمود كهرب .. السياره راحت ماراح جدي .. وانا ودوني إلى مستشفى من المستشفيات ( بدون ذكر إسم ) .. أنبطحت على السرير جابوا لي تفاحتن منتهيتن تاربخها وسندوتش يابس وعصير تفاح حار .. انتظرت لين طلع الدكتور وانا اقحص من مكاني و أوطي رجلي لفوال الطايف دخلت الفوال وانا لابسن لبس المرضى ( قميصن أخضر ) قلت هات فول وعدس .. قال :  انت شكلك مجنون رح لأهلك .. الحقيقه شكلي يوحي للجن لكن تهاوشت معه .. وعندي وعندك وعندي وعندك وعندي وعندك .. لين جت الشرطه هم يكلبشوني ويرموني فالسجن .. أنقبعت في السجن وانا لابسن لبس المرضى .. كانت حالتي لايرثى لها .. وبعد اسبوع رجعت للبيت وصليت ركعتين وحمدت الله .. وسويت لي سندويتش جبه وعصير برتكان ورقدت .. ! 

الخميس، 27 سبتمبر 2012

مقدمة


السَلام عليكم ورحمة الله وبركاته .. !
أعلن في هذا اليوم الحلو وفي هذا الجو العليل الجمعه 1433/11/12 هــ  , إفتتاح مدونتي العزيزه والتي ستحوز على رضائكم بإذن الله حياكم الله يا هلا .. يا هلا .. ياهلا .. وعين فراش وعين بطانية نفرين ( المهلي .. ما يولي ) !
مدونتي ستكون عباره عن مذكرات .. أطرح فيها مواضيع تخص الشعب السعودي ( خاصة ) والشعب السوداني ( عامه )
بنتكلم عن كل شيء .. وحتى الشيء بنتكلم عنه .. أتمنى لكم يوماً جميلاً .. أتمنى لكم قرائه مفيده .. !



أ/ أبو مشاري ..
بيتنا - العريجاء - الرياض - السعوديه - العالم !